السياحه والسفر عالم كبير ونأخذ منه شيء ضئيل

بسم الله الرحمن الرحيم<hr id=false><hr id=false>كل مافتحنا الجرايد والصحف اليوميه لقينا اعلانات عن السفر ولا بعد اي ديره تبي وطبعا في بعض الاعلانات واغلبها فيها اشياء مجانيه مثل المواصلات والافطار و المرشد السياحي وطبعا كل شي بحسابه لكن نبي انعرف شي او استفاده من هذا السفر او السياحه هل هو نافع او ضار لنا وهذا شيء يطول فيه الحديث والكلام وكل انسان ونيته لكن هنا نريد ان نقول ان في السفر اشياء كثيره مثلا كالثقافات الغريبه عن ثقافتنا والاراضي الغريبه عن اراضينا وعن شكل اراضينا واشكال الناس وخلقتهم تختلف من الغرب الى الشرق الى الجنوب الى الشمال ولله في خلقه شؤون وهذي اشايء عامه بالنسبه للسفر ونسينا شيء الا وهو التجاره نعم التجاره حتى في مره من المرات السابقه ذهب للاتجار وانا من الناس اللي على المعاش يعني اتحلم اني ابصير تاجر وعندي مليين وقلت انحاول نبدا ههههههههه لكن السالفه اطلعت ماهي سهله السالفه لازم في احد يدعمك من الجمارك ومن الفلوس اذا طحت وخسرت يعني لازم لك سند يسندك اذا صار ماصار المهم رحنا للديره انا ورفيجي الله يعطيه العافيه وحسينا اننا في مكان ماهو مكاننا وتضايقنا وقلنا خل الشمس تطلع من باجر ونروح يامعود حنا وينا وين هذي الموانئ والسفن اللي على الموانئ خلنا على المعاش والا شوفلك محل بالديره اتأجره وتفتك ويزيد معاشك كم دينار وتريح هذا بس يعني سالفه طرت علي وقلت اقولها علشان على الواقع بالنسبه للناس اللي على المعاش وماعندهم سند اذا اخسرو او اذا طاحو ومحد يسمي عليهم المهم نطلع من السالفه هذي ونكمل موضوعنا الشيق في نظري انا واللي اشوفه من عشرين سنة الناس طايحين فيه وخاصتا اهل الكويت اللي انا منهم السياحه عند بعض الشباب وهي طبعا تعتبر ماهي سياحه وانما ذهاب الى شيء يغضب الله سبحانه وهذا شيء واقع وكلنا انشوفه ولكن زيادة الاسعار وغلاء المعيشه في هذي الايام خلتهم اشوي يطخون عن الاشياء هذي والحمدلله الشي هذا قام يصير قليل مهما كان ولانقول انه مو موجود لكن ماهو مثل اول واذا جينا للتعرف على الثقافات انا ابرايي ماله داعي السفر شوفلك كتاب تقراه عن ثقافات الديره اللي ودك اتعرف ثقافتهم واذا ما اعجبك الكاتب ادخل الانترنت واقرا او ترجم كلامهم ومحادثاتهم وراح اتعرف عن ثقافتهم الشيء الكثير ولكن في اغراض ثانيه مثل العلاج وهذا شي الله لايعيزنا له حنا واياكم وبيني وبينكم انا من محبين السفر بس ها في شي نسينا نقوله وهو الشي اللي انا احبه وهو اني اشوف الطبيعه يمكن واحد فيكم يقول شوفلك افلام طبيعه عن الديره اللي تحب طبيعتها وخلاص ماله داعي اتسافر بس انا في رايي ان الطبيعه شي ثاني قولولي ليش ؟ انا اقولكم لان الطبيعه حلاتها لمن تشم هواها وتقعد على ارضها وتشوف نهرها وشجرها واطيورها ومن ناحيت العلاقات اللي اتكونها بالسفر انا انصحكم انكم ا=توصلون ارحامكم احسن من العلاقات اللي بعد الشمس عن الارض هههه وصدقوني وصل الارحام طيب واخليكم ومشكورين على المتابعه